Google ADS

Gjashtë policë të vrarë në Meksikën qendrore

13:44 | 16 Qershor 2018
Arbresh.info

Gjashtë oficerë policie në Meksikë janë vrarë në shtetin qendror të Puebla që është mbytur nga bandat e përfshira në trafikun e drogës, vjedhjes së naftës dhe rrëmbimeve.

Pesë burra dhe një grua që i takonin forcës komunale të Amozoc, rreth 150 kilometra nga Meksiko City, transmeton portali arbresh.info.

Sekretari shtetëror i Sigurisë, Jesus Morales tha se autoritetet gjetën një kamion cisternë me një ngarkesë “të paligjshme” të karburantit në skenën rurale të krimit.

Dy të dyshuar të armatosur u arrestuan, tha ai.

Puebla shpesh sheh përleshje midis policisë dhe grupeve kriminale që synojnë vjedhjen e karburantit nga tubacionet që i përkasin kompanisë shtetërore të naftës Pemex.

Në maj, 119 punonjës policie në Puebla u hoqën nga detyra me dyshimin për bashkëpunim me hajdutë të karburantit.

Meksika po lufton me një valë krimi të dhunshëm me një rekord prej 25,000 njerëz të vrarë vitin e kaluar.

Më shumë se 90 për qind e krimeve të dhunshme në vend mbeten të pandëshkuara./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm